Во Македонија нема нови случаи на птичји грип
Нема нови жаришта и нови случаи на птичји грип во Македонија, изјави денеска директорот на Агенцијата за храна и ветеринарство (АХВ) Зоран Поповски.
Како што рече Поповски по презентацијата на новиот твининг проект за поголема заштита на храната, животните и растенијата, состојбата будно се следи и сите сомнителни случаи се испитуваат за да се преземат навремени мерки ако се утврди дека е потребно.
-Можностите за појава на птичји грип се намалени зашто со зголемувањето на температурите вирусот не може да циркулира толку многу. Сепак, не е исклучена можноста за појава на болеста, истакна директорот.
Според него, во околните држави веќе има нови случаи, во Бугарија има голем број жаришта, а жаришта се појавуваат и во Србија.
- Се надеваме дека во Македонија нема да има нови случаи, ниту во иднина ќе имаме проблем со оваа болест, додаде Поповски.
Одговорајќи на новинарско прашање, информира дека сопствениците на живината која беше угината од птичји грип во струшкото село Мороиште, се уште не се обесштетени бидејќи АХВ ги нема добиено нивните барања. – Кога ќе ги добиеме барањата, веднаш ќе пристапиме кон обесштетување, потенцира директорот на Агенцијата Зоран Поповски.
Ново на Сител
-
Поради пожар затворен дел од скопската обиколница, сообраќајот кон ГП Блаце пуштен само за патнички возила
-
Пронајдено починато лице во близина на пожарот во кривопаланечко
-
Утре посвежо со пониски максимални дневни температури
-
Три пожари во Крива Паланка, градоначалникот бара итна интервенција | ВИДЕО
-
Тешко повреден велоспедист во сообраќајка на патот Радовиш-Штип
-
Запалено столче во спортска обложувалница во Скопје
-
Градежен работник починал од струен удар
-
ЕП: Албанија е единствена земја на Западен Балкан каде сите политички актери се проевропски