Во Лондон денеска прв самит на Велика Британија и ЕУ по Брегзит
Велика Британија и Европската унија денес ќе одржат самит во Лондон, пет години по Брегзит, со цел да ги постават основите за потесна врска, посебно во сферите на одбраната.
Британскиот премиер Кир Стармер, кој даде ветување дека ќе ја “ресетира” соработката со ЕУ кога ја презеде функцијата минатиот јули, ги пречекува претседателката на Европската комисија, Урсула фон дер Лајен, и претседателот на Европскиот совет, Антонио Кошта.
Овој состанок на врвот претставува шанса за лидерот на лабуристите да ја материјализира својата амбиција за приближување кон Брисел и да стави крај на напнатоста помеѓу ЕУ и претходната конзервативна влада во врска со Брегзит, кој се случи на 31 јануари 2020 година.
Во меѓувреме, руската инвазија на Украина и можноста за повлекување на САД од европскиот континент ја зацврстија врската меѓу Лондон и Брисел во нивната цел да ја унапредат кооперацијата во доменот на одбраната.
Освен одбраната, лабуристичката влада, која има за цел да ја стимулира трговијата, усложнета од административните пречки предизвикани од Брегзит, изјави дека е подготвена за флексибилно прилагодување кон стандардите на ЕУ за храна и земјоделски производи.
Ново на Сител
-
Трамп „не е задоволен“ со Путин, разгледува нови санкции
-
ЦУК: Активни 11 пожари, еден под контрола
-
Потпишан договор за грант од 5,5 милиони евра за енергетска реконструкција на студентски домови
-
Најмалку осуммина повредени во невремето што попладнево го погоди Белград
-
ЕК за концертот на Томсон: Го осудуваме секој израз на фашизам, членките на ЕУ да го казнат говорот на омраза
-
Голема брзина над дозволената причина за несреќата во која загинаа Жота и Силва
-
Вардар и Алкалоид се двете македонски екипи во Лига Европа во ракомет
-
Владата прогласи кризна состојба од 30 дена поради пожарите