Во Крива Паланка младински летен камп на Црвен крст
Со цел јакнење на капацитетите на младите волонтери и нивно едуцирање од разни области, првенствено од здравствено-превентивен аспект, петта година по ред општинската организација на Црвен Крст, Крива Паланка организираше младински летен камп.
- Младите се дружеа изминатите четири дена, организираа работилници и посетуваа предавања согласно програмата на кампот. Предавањата ги одржаа стручни лица од здравствената дејност, лекари специјалисти, но и врснички пиeр-едукатори што ќе придонесе знаењата усвоени на ваквите кампови младите да ги пренесат и на своите врсници, информира Дарко Пешовски, секретар на ОО Црвен Крст, Крива Паланка.
Кампот се одржа во дворот на подрачното основно општинско училиште „Јоаким Крчовски“ во село Трново.
- Оваа година нашиот камп се заснова на здравствено-превентивната дејност што ја опфаќа Црвениот крст, со акцент на болестите на зависности и сексуално-преносливи болести. Кампот е тука за да ги едуцираме нашите волонтери и да го зголемиме бројот на членови на Клубот на млади, изјави Ина Поцевска, пиeр-едукатор во Црвен Крст, Крива Паланка.
Знаењата усвоени на ваквите кампови се основа за подигнување на свеста на младите од превенција од болестите на зависности, како и сексуално преносливи болести.
- Клубот на млади во претстојниот период ќе се подготвува за Меѓународниот младински камп, а бројните активности на волонтерите во текот на целата допринесуваат за зголемување на хуманото семејство на Црвен крст, давајќи ја неопходната младинска полетна енергија за оствaрување на целите и задачите на кои се заснова оваа најголема филантропска организација во светот, додаде Пешовски.
Ново на Сител
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции