Во Келн почна најголемата операција за отстранување бомби по Втората светска војна
Во германскиот град Келн почна најголемата евакуација во врска со бомби од 1945 година, откако беа откриени три американски бомби од Втората светска војна.
Како што јави ДПА, голем дел од центарот на градот се затвора за да може да се деактивираат направите.
Во зоната за евакуација во областа Дојц, на источниот брег на реката Рајна, засегнати се повеќе од 20.000 луѓе
– Евакуацијата е најголема ваква мерка од крајот на Втората светска војна. Сите вклучени се надеваат дека деактивирањето ќе биде завршено во текот на денешниот ден, соопштија градските власти на веб-страница на градот Келн.
Портпаролка на градот за ДПА изјави дека сè уште не може да се каже кога ќе почне самата операција за деактивирање.
Патиштата се блокирани од 8 часот наутро по локално време. Службениците проверуваат дали сите станови во опасната зона се празни.
Во целата сојузна покраина Северна Рајна-Вестфалија, годишно се пронаоѓаат од 1.500 до 2.000 бомби од Втората светска војна. Околу 200 од нив се поголеми направи, како оние пронајдени во Келн, изјави Каи Кулшевски, раководител на службата за отстранување експлозивни направи во градот.
Ново на Сител
-
Предизборен карван на ВМРО-ДПМНЕ во Сопиште, Шуто Оризари, Бутел и Карпош
-
Предизборен карван на СДСМ во Долнени, Кривогаштани и Прилеп
-
Касами со ветувања за нови училишта, Османи за инфраструктура
-
Приведена сопругата на д-р Шаини, напаѓачот е во бегство
-
Тема на денот со Армен Григорјан, постојан претставник на УНДП
-
Д-р Шаини е пуштен на домашно лекување, ДУИ обвинува случајот е обид за атентат
-
Максимални три години затвор за тројцата обвинети за Вардариште
-
Претставници на „Стоп Вардариште“ на средба со институциите во МВР