Во Гевгелија промовирна нова поетска книга на Стефчо Стефанов

Во организација на градската библиотека од Гевгелија, денеска беше промовирана третата поетска книга на македонскиот автор Стефчо Стефанов од Гевгелија, насловена „Стихови со црвени намери“ која е составена од 53 песни.

- Стефчо Стефанов е автентичен поет. Опседнат е со поезијата и секогаш е со неа, кога работи, кога одмора и кога спие. Неговите песни се топли, скриени и откриени,г ладни, искрени и гласни, напишани и нацртани и „аџамијски“, рече академик Катица Ќулафкова која беше промотор на настанот.

Професорот Владимир Мартиновски во поговорот за книгата напишал дека поетскиот „аџамилак“ на Стефанов нема потреба од пофалби, но и дека не може да се премолчи затоа што песните се вчудовидувачки полетни, полни со здрав хумор и хипнотички заразни и оти оваа книга претставува смела диверзија на ситните, излитени и очекувани „поетски трикови“.