Во Гевгелија излезеноста до 17 часот 48,24 отсто

До 17 часот на 37 избирачки места во Гевгелија излегле 9.283 граѓани или 48,24 отсто од евидентираните.

Како што соопшти претседателката на ОИК Гевгелија, Роберта Јанчева, гласањето се одвива во мирна и демократска атмосфера.

Без нарушувања на изборниот процес тече и гласањето во општина Валандово каде до 17 часот својот глас го дале 4.176 граѓани или 42 отсто.

Во однос на 15 часот, зголемен процент на излезеност бележат и во општините Богданци и Дојран. На 12 избирачки места во општина Богданци гласале 2.698 граѓани или 39,9 отсто, а во Дојран 1.273 граѓани или 46,9 отсто од вкупно евидентираните гласачи во единствениот избирачки список.