Во Германија забрането дејствување на десничарскито сојуз „Штурм18“

Министерот за внатрешни работи на Хесен, Петер Бојт забрани работа на десничарскиот екстремистички сојуз Штурм18 во кој се десничари и неонацисти, а на чии членови им се припишуваат околу 300 кривични дела.

- Штурм18 работел против уставниот поредок на Германија, образложи Бојт.

– На десничарски екстремисти не им даваме простор за акции, изјави Бојт и нагласи дека тоа посебно важи кога ќе се здружат во сојузи „за да се загрозат вредностите на слободното општество“.

Потсети дека на 12 август во рација кај осуммина членови од тој сојуз се пронајдени компјутери и мобилни телефони со обемен националистички и антисемитистички материјал како и материјал поврзан со омраза кон странци.