Во Египет пронајдена мумија прекриена со злато
Египетски археолози соопштија дека е пронајдена мумија со златни лисја на себе, затворена во саркофаг којшто не е отворен 4.300 години. Се работи за посмртни останки на човек по име Хекашепес, и се сметаат за еден од најстарите скоро целосни невладетелски тела откриени во Египет.
Мумијата е откриена во окно длабоко 15 метри, на антички гробишта јужно од Каиро – во Сакара, каде што се пронајдени уште три гробници. А, едниот гроб му припаѓал на „чуварот на тајните“… Тој е именуван Мери – висок функционер во државата кој ја добил таа титула која му дозволувала да врши посебни верски обреди.
Се верува дека најголемата од мумиите откриени на овие древни гробишта е извесен Хнумџедеф – свештеник, инспектор и надгледник на благородниците. А пак, во четвртиот гроб бил погребан судија и писател по име Фетек. Тука е откриена збирка од она што се верува дека се најголемите статуи кои некогаш се пронајдени во целата оваа област.
Ископани се и повеќе предмети, вклучително и ќерамика. Археологот Захи Хавас, поранешен министер за антиквитети на Египет, смета дека сите наоди датираат од околу 25. до 22. век п.н.е.
– Ова откритие е прилично важно, бидејќи ги поврзува владетелите со луѓето што живеат околу нив, изјави Али Абу Дешиш, друг археолог вклучен во ископувањата.
Сакара е некропола што содржи гробови кои се датираат во временски распон од над 3.000 години. Сместена во древниот египетски главен град Мемфис, таа е дом на повеќе од 12 пирамиди – вклучувајќи ја и Степенестата пирамида, во близина на местото каде што се пронајдени и новооткриените мумии. Подрачјето е прогласено е за светско наследство на УНЕСКО.
Египет со овие големи археолошки откритија последниве години, цели, меѓу другото – да го заживее и својот туризам.
Ново на Сител
-
Земјотрес од три степени во околината на Штип
-
Студено утро во земјава, на Попова Шапка -10 степени
-
Санкционирани 152 возачи во Скопје, 28 за брзо возење
-
Меси е третиот играч во историјата кој постигнал над 100 голови за националниот тим
-
САД и Русија престанаа да разменуваат податоци за нуклеарното оружје
-
Верешчук ги повикa Русите да не посвојуваат деца „украдени“ од Украина
-
Зеленски го покани Си Џинпинг да ја посети Украина
-
Никотин или кофеин, што носи поголем ризик?