Во дебарско се препорачува внимателно возење поради влажни коловози и помали одрони
По дождот кој од вчера попладне врне на подрачјето на Дебар, Река и Жупа, има појава на помали одрони од камен и земја на патните правци во овој регион.
Поради одроните и влажниот коловоз, од дебарската секција на „Македонија пат” препорачуваат многу внимателно возење, посебно на осојничавите места.
-Има помали одрони од камен и земја, што е вообичаена појава. Нашите екипи се постојано на терен во нивно расчистување и сообраќајот се одвива без поголеми проблеми. Поради можноста од одрони, но и влажниот коловоз препорачуваме многу внимателно возење и строго почитување на патната сигнализација, порачува Деар Лиманоски, раководител на секцијата.
Додава дека на делницата Јанче – Присојница, на патот Дебар – Маврово, поради изведување градежни работи на патот, сообраќајот се регулира со сообраќајна сигнализација.
Инаку, вообичаено најчести се одроните кај селата Рајчица, Косоврасти и Јанче, месноста Ростушки Мост, потоа во близина на Бигорски манастир и месноста „Сенечки ливади”, на патниот правец Дебар – Маврово, како и кај месноста „Три чешми” на патот кон Струга, и месноста „Кокошкина краста” на патот Мелнички Мост-Центар Жупа.
Кога станува збор за одроните, на 11-ти овој месец имаше голем одрон од околу 200 кубни метри камен кој се сруши на коловозот кај селото Долно Косоврасти, по серијата потреси присутни во поширокиот дебарски регион кои ги разнишаа и карпите. За среќа, во критичниот момент немало ниту возила, ниту пешаци.
Ново на Сител
-
Претпладне сончево, од пладне можност за краткотраен пороен дожд
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата