Во Центарот за Јавно здравје - Кочани регистрирани 179 заболени од рак

Нови 179 заболени од рак се регистрирани минатата година во Центарот за Јавно здравје - Кочани. Од нив, 46 се од Кочани, 33 од Берово, 24 од Делчево, 21 од Виница, 19 од Македонска Каменица и 7 од Пехчево. Ова денеска го истакна директорот за Центарот за јавно здравје во Кочани, Благица Ѓурковиќ.

Станува збор за број на заболени кој е пријавен од страна на матичните лекари кои ја следат состојбата со заболените пациенти. 

Од Центарот за Јавно здравје во Кочани истакнуваат дека и натаму ќе ја следат состојбата со оваа болест во општините од регионот и ке работат на подготовка на информација за причинителите на болеста кај населението.

Досега во општините што ги покрива овој Центар за јавно здравје се регистрирани 1.054 заболени од рак.