Во близина на либискиот брег за пет дена спасени околу 2.500 мигранти

Околу 2.500 луѓе од петокот до вчера биле спасени во близина на брегот на Либија, соопшти италијанската крајбрежна стража.

Речиси половина од нив биле спасени вчера. Италијанската крајбрежна стража координирала помош за осум гумени чамци и еден рибарски брод.

Бродови на италијанската крајбрежна стража на воената морнарица, како брод на словенечката воена морнарица, ангажиран во европската операција „Софија“ против илегалните трговци со луѓе учествуваа во спасувањето на вкупно 1.271 мигранти, кои биле насочени кон италијанскиот брег.

Од петокот до понеделникот биле спасени 1.211 луѓе, меѓу кои жени и деца.