Во Австрија жени пријавиле дека војници ги злоставувале при тестирање за коронавирус
Голем скандал ја потресе Австрија откако се појавиле обвиненија дека војници сексуално злоставувале жени при масовното тестирање за коронавирус во градот Грац.
Како што пишуваат тамошните медиуми, еден од војниците ѝ рекол на една жена: „Сега ќе ти ставиме стапчиња во двете дупки“.
„Кронен Цајтунг” пишува дека обвиненијата на сметка на војниците се многу сериозни.
– Најмалку две лица пријавија сексуално злоставување од страна на војниците при процесот на тестирање на коронавирус во Грац – изјавил портпаролот на воените сили, Михаел Бауер.
Тој рекол дека жените по тестирањето биле контактирани преку Фејсбук.
– Со оглед на тоа дека припадниците на Министерството за одбрана потпишале акт за заштита на податоците, ова претставува злоупотреба на службената положба – рекол Бауер.
Портпаролот истакнал дека му е многу жал поради инцидентот и им се извинил на жените кои биле злоставувани.
– Ова е недозволиво однесување. Отворена е истрага – рекол тој.
Засега не е познато колку жени биле злоставувани, ниту, пак, колку војници се осомничени за злоставувањето, како ни што точно правеле.
Бауер рекол дека една пријава е отфрлена, бидејќи жената на крајот одлучила сето тоа да го сфати како шега.
Властите ги повикале сите граѓани кои сметаат дека на било кој начин биле оштетени да се јават во Министерството преку мејл или во канцеларијата.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект