Во Авганистан револт по убиството на три новинарки
Во Џалалабад денеска се погребани трите новинарки кои работеа за телевизијата Еникас, а беа убиени во два напада додека го напуштале работното место.
Одговорноста за нападите ја презеде огранок на Исламска држава. Групата соопшти дека нападите ги презеле бидејќи „новинарките работеле за телевизија лојална на отпадничката авганистанска Влада“.
Пријателите, колегите и членовите на семејствата за убиените новинарки упатија апел да престане насилството, што е во пораст откако минатата година почнаа мировните преговори помеѓу авганистанската Влада и талибанците. Тие тврдат дека бунтовниците ги напаѓаат новинарите, активистите и судиите, кои ги сметаат за нивни противници.
Во декември во Џалалабад беше убиена уште една новинарка од телевизијата Еникас.
Авганистан е една од најопасните земји во светот за новинарите. Најмалку девет новинари се убиени од почетокот на мировните преговори, што почнаа во септември минатата година.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар