Во „Аџибадем Систина“ првпат изведена операција на срце кај двегодишно дете со минимална инвазивна техника
Операција на вродена срцева мана кај дете со минимална инвазивна техника се изведе првпат на одделот за детска кардиохирургија при Клиничката болница „Аџибадем Систина“.
Станува збор за двегодишно дете кое е оперирано со страничен пристап до срцето, нешто што досега ретко се применува и на Балканот. Операцијата ја изведе кардиохируршкиот тим од болницата, а детето брзо заздравува.
Интервенцијата инаку е изведена кај дете кое има само 13 килограми со дијагноза атријален септален дефект. Била изведена со десна торакотомија од пет до седум сантиметри односно десна инцизија од градниот кош, односно се оперирало со страничен пристап до срцето. Тимот специјалисти ја изведе операцијата успешно, а бенефитите за детето се огромни од аспект на забрзано заздравување, но и од естетски план.
– Станува збор за пристап кој првпат се применува во нашата болница, но можеби и за прв пат во нашата држава кога станува збор за интервенција кај двегодишно дете. Особено ни е драго што навистина применуваме техники и методи кои се користат во најразвиените болници во светот. Ова е само доказ дека нашиот тим работи одлично, вели Владимир Чадиковски детски кардиохируг.
Детето е пуштено на домашно лекување по четири дена. Интервенцијата е доказ дека тимскиот и мултидисциплинарен пристап на двата тима од Македонија и од Турција во третирање на децата со вродени срцеви аномалии се повеќе вродува со плод, посочуваат од болницата.
Ново на Сител
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост