ВМРО-НП: Поддршка за Заев за храброста со која зборува за историјата
Сите работи што ги зборуваше г. Заев согласно со објективната историја и во согласност со најголем дел од книгите извадени од македонскиот Архив се точни, а тоа што многу од македонските граѓани се шокирани, само зборува колку македонското општество било индоктринирано.
Ова се истакнува во денешната реакција на коалицискиот партнер на Заев, партијата ВМРО-НП на Љубчо Георгиевски, во врска со вчерашнто интервју на Заев за бугарската информативна агенција БГНЕС. Партијата му дава поддршка на Заев за „храброста со која зборувал за македонската историја“.
ВМРО-НП на Георгоевски смета дека, „за жал, она што македонската историографија требало да го отвори во изминатите три децении на демократија, сега еден политичар во функција на премиер радикално ни го соопштил“.
– Сите работи што ги зборуваше г. Заев согласно со објективната историја и во согласност со најголем дел од книгите извадени од македонскиот Архив се точни, а тоа што многу од македонските граѓани се шокирани, само зборува колку македонското општество било индоктринирано. Особено ме збунува фактот за острите тонови од страна на ВМРО-ДПМНЕ, партија што ја внесе идејата за пријателство со Бугарија и објективизирање на македонската историја во раните 90-ти години и ги направи најголемите чекори за приближување со таа држава, се наведува во соопштението од партијата на Георгиевски.
Тој неодамна беше во посета на Бугарија, како неформален мисионер на Заев, да ги „затоплува заладените односи“ во врска со ветото во ЕУ.
Ново на Сител
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци
-
Приведено лице од Долни Дисан поради бегство од затворот во Куманово