ВМРО-ДПМНЕ: СДСМ јавно да се откаже од тиранската платформа
ВМРО-ДПМНЕ денеска преку соопштение бара СДСМ јавно и јасно да се откаже од тиранската платформа и елементите во неа кои, како што се наведува, ќе ја редефинираат Република Македонија, која од мултиетничка би ја претвориле во бинационална држава.
- Оправдан е стравот кај граѓаните по конфузните и контрадикторни ставови кои ги изнесе Зоран Заев, во кои не ја отфрли тиранската платформа, туку напротив најави дебатирање по нејзините точки. Ова само го потврдува сомнежот дека Зоран Заев со цел да добие власт ги погазил националните и државни интереси и ја прифатил реализацијата на тиранската платформа под превезот на дебатирање, консултирање на партиски експерти и слично, се наведува во соопштението.
Од ВМРО-ДПМНЕ сметаат дека револтот кај народот од ваквата, како што велат, неискрена политика и реторика на Заев и СДСМ, станува се поголем.
- Граѓаните гледаат дека затскриено се подготвува редефинирање на државата. Ние ја повторуваме нашата понуда. Доколку СДСМ и Зоран Заев јавно се откажат од тиранската платформа, ВМРО-ДПМНЕ ќе гласа и ќе поддржи влада што би ја формирал Зоран Заев. Доколку СДСМ и Зоран Заев сметаат дека тиранската платформа е позитивна за иднината на Македонија и потребно е да се дебатира за елементите содржани во неа, тогаш го повикуваме да ја стави на најшироката можна дебата за тоа, парламентарните избори. Ако сака СДСМ може елементите од тиранската платформа да ги искористи како основа на своја партиска изборна програма, па така граѓаните ќе може јасно да кажат што мислат за тоа, без притоа да бидат изборно измамени, како што тоа веќе еднаш им го направи СДСМ и Зоран Заев, се наведува во соопштението на ВМРО-ДПМНЕ.
Ново на Сител
-
Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо