ВМРО-ДПМНЕ: Почетокот на јули е најповолниот датум за одржување на локалните избори
ВМРО-ДПМНЕ смета дека почетокот на јули е најповолниот датум за одржување на локалните избори бидејќи, како што велат, во интерес на граѓаните е час поскоро да изберат локална власт која ќе реализира проекти за нивните потреби.
- Парламентарното мнозинство сметаше дека нивен партиски интерес е да го пролонгира терминот и практично да го избере последниот што сметавме ние дека е рационален. ВМРО-ДПМНЕ е подготвена да излезе на избори и во јули и во октомври бидејќи знаеме дека народот е на наша страна и ја поддржува политиката која подразбира реформи, проекти и заштита на државните и националните интереси, рече на денешната прес-конференција Драган Данев од ВМРО-ДПМНЕ.
Очекуваме, нагласи тој, новото парламентарно мнозинство овој пат да си остане на зборот, бидејќи во спротивно ризикува поради нивната неподготвеност да ја доведат во прашање локалната самоуправа како една врвна демократска придобивка и право на граѓаните.
- ВМРО-ДПМНЕ повторно посочува дека доколку парламентарното мнозинство собере храброст, најдобро за државата и за граѓаните ќе биде, да се согласат заедно со локалните, на ист трошок, да се организираат и нови парламентарни избори. Токму на ваков начин граѓаните ќе може да се произнесат и за постизборната измама која им ја спакува СДС во декември и да кажат што мислат за Тиранската Платформа која СДС ја прифати, истакна Данев.
СДС и неговите партнери, како што посочи, треба да ја прифатат реалноста и да го видат револтот на граѓаните поради нивната деструктивна политика. - Секој нов обид за неуставни и незаконски потези, само дополнително ќе ја продлабочат кризата во Македонија, додаде тој.
ВМРО - ДПМНЕ како што најави денеска не присуствуваше на координацијата во Собранието на Република Македонија. - ВМРО-ДПМНЕ останува на ставот дека Талат Џафери не е избран во легална процедура за претседател на Собранието и тој таа функција само бесправно ја узурпира. Талат Џафери е избран на целосно незаконски, неуставен и неделовнички начин. Тој за ВМРО-ДПМНЕ останува само пратеник, бидејќи така е избран легитимно од граѓаните и ние тоа не го оспоруваме, рече Данев.
Ново на Сител
-
Албанија: Ситуацијата со пожарите се уште тешка, целосно пеплосани шест села кај Грамш
-
Кривична пријава против четири лица за престрелката во Тетово, одреден 30-дневен притвор, по две лица се трага
-
Почина оперската примадона Милка Ефтимова
-
ЈКП Комуналец Пехчево: Водата според анализите не е безбедна за пиење
-
Мицкоски: Имаме обврска сите да обезбедиме подобра иднина за граѓаните
-
Енрике прогласен за најдобар тренер во Европа во изборот на ЕСПН
-
Одредени се сите парови за плејофот во Лигата на шампионите
-
Албанец со автомобил пробал да прошверцува 21 килограм свежа пастрмка во државава