ВМРО-ДПМНЕ: Парите што ги троши Владата без бенефит за граѓаните
Опозициската ВМРО-ДПМНЕ ја обвинува Владата дека за неполни три месеци ја задолжила државата за стотици милиони евра, од кои, како што оценува во соопштение, граѓаните не виделе никаков бенефит.
- Изградба на километар нов автопат, во зависност од теренот, во просек чини околу 6 милиони евра. Во изминатите неполни три месеци СДС од девизните резерви и од распишаните аукции на државни хартии подигнаа 334 милиони евра. Со парите кои расипнички ги потроши неодговорната влада на СДС и Заев можеа да изградат автопат од 50-тина километри, што значително ќе го подобреше животот на граѓаните. Нов автопат нема, а ги нема ниту народните пари, наведува во соопштението ВМРО-ДПМНЕ и прашува каде Владата ги потрошила парите.
Според ВМРО-ДПМНЕ, премиерот Зоран Заев и новите кадри ги ставиле личните пред интересите на граѓаните.
- Нивен приоритет е да ги задоволат сопствените алчни апетити и затоа народните пари решија да ги искористат за луксузирање и покривање на партиски вработувања по државните институции. Неспособната и алчна влада на Заев поради негрижата за граѓаните на 15-ти октомври жестоко ќе бидат казнети и поразени, се вели во соопштението.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден