ВМРО-ДПМНЕ: Наместо помош за стопанството, криминалната влада на Заев покачува даноци
Македонската економија од ден во ден се повеќе се движи кон целосно фијаско. Владата на СДСМ нема план за справување со економската криза, како последица на КОВИД- 19 пандемијата.
Без реална помош кон стопанството, со задоцнети мерки, оставени стопански гранки без помош, сега Заев и неговиот економски тим решија повторно да удрат по џебот на граѓаните, но и кон и онака урнисаното стопанство, преку зголемување на даноците.
За само една година во Македонија останаа над 60.000 граѓани без работа и се затворија над 6.200 стопански субјекти. Сето ова е резултат на катастрофалните економски политики на Зоран Заев, Битиќи и останатиот економски тим.
Владата на СДСМ секојдневно се задолжува, а граѓаните не можат да видат ниту една реализирана крупна капитална инвестиција, додека севкупната реализација на капитални инвестиции е на рекордно ниско ниво.
Долгот на државата во овие четири години порасна за 2 милијарди и 800 милиони евра, или на 63% од БДП, а инфлацијата за оваа година, од предвидените 1,5 на НБРМ се зголеми на 3%.
За ВМРО-ДПМНЕ не е решение зголемувањето на даноците, туку намалување на даноците, справување до сивата економија и кратење на непродуктивните трошоци на оваа криминална влада.
За ваквите катастрофални економски политики СДСМ и Зоран Заев многу брзо ќе бидат казнети од граѓаните.
Центар за комуникации со јавноста на ВМРО-ДПМНЕ
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници