ВМРО-ДПМНЕ: Фирми блиски до СДСМ се главни за марихуаната

Заев, основачот на марихуана бизнисот во Македонија, не спие мирно. Немирната совест го натера Заев на панични реакции, се вели во соопштението на ВМРО-ДПМНЕ

„ВМРО-ДПМНЕ уште тогаш укажуваше дека лиценците за одгледување марихуана за медицински цели се доделувале исклучиво на фирми блиски до власта, а не според законски услови.

Медицинската марихуана била параван за организиран криминал во огромни размери.

Јавноста има право да знае и зошто Заев лично се интересирал за случајот со петте тони марихуана запленети во Србија.

Апелираме до Јавното обвинителство да ја истражи вмешаноста на Заев и Филипче во овој случај и да ги објави сите сознанија. Борбата против криминалот е јасна, а на наркокартелот на Заеви му доаѓа крајот.“ – се вели во соопштението на ВМРО-ДПМНЕ