Влатко Ѓорчев се сретна со Мајк Помпео

Пратеникот од редовите на ВМРО-ДПМНЕ Влатко Ѓорчев кој престојува во Вашингтон за Молитвениот појадок во организација на американскиот претседател Доналд Трамп оствари средба со државниот секретар на САД, Мајк Помпео.

 

Средбата на Ѓорчев со Помпео доаѓа по неговата кандидатура за претседател кои ќе се одржат оваа пролет.

 

Изминативе денови, еден од претседателските кандидати на ВМРО-ДПМНЕ се сретна и со Сара Сандерс, портпаролка на Доналд Трамп.

 

„Денес имав можност да се сретнам со Сара Хакаби Сандерс, портпаролка на Белата куќа на претседателот на САД, Доналд Трамп.

 

За Македонија е важно да има отворени врати во Вашингтон. Секое пријателство и средба е можност да се кажат македонските аргументи.

Македонија мора да гради силни сојузништва. На тој начин ги подобруваме позициите на Македонија“, напиша Ѓорчев на својот профил на Фејсбук.