Влатко Андоновски и официјално е селектор на женската репрезентација на САД

Mакедонецот Влатко Андоновски ја официјализираше соработката со фудбалскиот сојуз на САД, и беше наименуван за селектор на женската репрезентација која е светски шампион.

Ова е огромна чест за нашинецот кој е деветти селектор во историјата на женската селекција на САД. Претставувањето на 43-годишниот Андоновски ќе биде во Њујорк. Тој во 2000 година се пресели во САД, со сопругата Билјана и трите деца живеат во Канзас сити, а седум години работи во женскиот фудбал во САД, има и две титули.