Високите откупни цени на „ајварката“ ја креваат производствената цена
Продолжува побарувачката и на крајот од сезоната за црвената пиперка „ајварка“ во Струмичко, која се откупува од 18 до 30 денари за килограм во зависност од квалитетот.
-Преработувачите плаќаат од 18 денари за трета категорија пиперка до 30-32 денара за прва класа исчистена во гајби. Иако бербата на „ајварката“ е пред крај и ја има само под пластеници, сепак мора да се каже дека од овие откупни цени сме задоволни, вели Коце Божиков, земјоделец од село Дабиле.
Преработувачите потврдуваат дека и на крајот на сезоната „ајварката“ се откупува по повисока цена, која ја зголемувата и цената на нивното производство.
-Добро е што имавме убави временски услови и заради тоа имаше постојан откуп на оваа пиперка. Нашата компанија откупува исклучиво прва класа, бидејќи ја обработуваме во филети. Откупните цени се повисоки и затоа се одразува на прозводствените цени. Ги информираме нашите деловни партнери од странство дека цените се покачени заради повисоките откупни цени на суровините, информира Киро Јовов, сопственик на „Агро-комерц 92“ од Струмица.
Годинава во Струмичко од отворено и под пластеници се набрани 50 илјади тони пиперка „ајварка“, што во споредба со минатите години е помалку за 10 илјади тони.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект