Вимблдон: Серена Вилијамс и Радванска ги комплетираа полуфиналистките

Серена Вилијамс и Агнешка Радванска се пласираа во полуфиналето на Вимблдон. Вилијамс со пресврт дојде до триумф против Викторија Азаренка и од 0-1 победи со 2-1 во сетови (3:6; 6:2 и 6:3). Ова за Вилијамс ќе биде 9.то полуфинале на Вимблдон. Таа во четврток во полуфиналето ќе игра против Марија Шарапова која со 2-1 (6:3; 6:7 и 6:2) ја победи Коко Вандевеге.

За разлика од неа Радванска се избори за своето трето полуфинале во лондон. Таа беше поуспешна од Медисон Кејс од САД со 2-1 (7:6 (7:3); 3:6 и 6:3). Нејзина ривалка во полуфиналето ќе биде Шпанката Мугуруза.

Утре на Вимблдон се играат машките четвртфинални мечеви:

Новак Ѓоковиќ (1, носител) - Марин Чилиќ (9),

Стан Вавринка (4) - Ришар Гаске (21),

Васек Поспишил - Енди Мареј (3),

Жил Симон (12) - Рожер Федерер (2).