Викторија Бекам објави интерактивен сајт

По летниот одмор со семејството на Бахамите, Викторија Бекам ги извести своите обожаватели дека во функција стави интерактивен сајт.

- Мојот нов веб сајт веќе е во живо. Толку се возбудувам затоа што досега е активен во над 100 држави. Се надевам дека ќе се забавувате. Кажете го вашето мислење, додава поранешната членка на групата „Спајс Грлс“, а сега моден дизајнер.

Таа веста за сајтот ја сподели преку Инстаграм по што доби бран коментари. Некои од нив се негативни, поврзани со фактот дека облеката што ја нуди е премногу скапа, а не за секој ден.

Друга и одговори: „Оваа жена е фантастична. Таа работи кул, за да се постигне тоа. Луѓето кои ја критикуваат, треба да престанат да и завидуваат и да пораснат".

Членовите на групата „Спајс Грлс“ објавија дека се подготвуват за турнеја во Велика Британија во 2019 година, но без Викторија Бекам. Веројатно причината за ова е нејзината посветеност како дизајнер и стар конфликт со остатокот од бендот.

Откако ја заврши пејачка кариера, сопругата на Дејвид Бекам одлучи да стане дизајнер и создаде своја модна линија во 2008 година Во моментов нејзините облека и додатоци се продаваат во над 500 продавници во 60 земји во светот.