Викендов во Кавадарци контрола во два угостителски објекта

Во соработка и координација со УЈП, изминатиот викенд на подрачјето на Кавадарци спроведена е контрола во два угостителски објекта, во однос на почитување на законските одредби од Кривичниот закон, Законот за заштита од пушењето и Законот за прекршоци против јавниот ред и мир, информираше денеска Анита Стојковска, портпарол на СВР Велес.

- Во дискотеката „Ал Пачино“, констатиран е прекршок од Законот за прекршоците против јавниот ред и мир. Затекнати се две малолетни лица присутни во објектот после 24 часот  и констатиран е прекршок од Законот за заштита од пушењето, соопшти Стојковска.

При контролата во угостителскиот  објект „Експрес Кафе“ , констатиран бил  прекршок од Закон за заштита од пушењето.

Стојковска појасни дека се работи за соодветни пријави по Законот за прекршоци против јавниот ред и мир и против Законот за заштита од пушење. Нагласи дека според чл.21 од Законот за прекршоци против јавниотред и мир и чл. 10 од Законот за заштита од пушење,  за физичко лице предвидена е глоба од 150-300 евра. Тие пријави ги поднесува МВР-СВР Велес, додека УЈП е надлежна за поднесување пријави за правното лице и  УЈП ќе поднесе пријава и во овој случај.

- Апелираме одговорните лица во угостителските објекти да ги почитуваат и најстрого се придржуваат до законските одредби од Кривичниот закон , Законот за прекршоците против јавниот ред и мир и Законот за пушење . Секое непочитување кое ќе биде констатирано од полициските службеници, веднаш ќе биде санкционирано, нагласи Стојковска.