Верниците денеска го слават Светецот кој бил предаден од питач за два златника

Денеска е Св. апостол Аристовул и св. маченик Савин.

Апостолот Аристовул бил брат на апостол Варнава. Потекнувал од островот Кипар. Бил сопатник на апостол Павле, а подоцна епископ на Британија, каде се упокоил во длабока старост. Денес се слави и маченикот Савин Египјанецот. За време на прогоните при императорот Диоклецијан, тој, со уште некои христијани, се сокрил во една пештера. За малку пари бил издаден од некој просјак на кој Савин му направил големи добрини, па бил фатен, суден и по тешко измачување фрлен во реката Нил. Пострадал за Христа во 299 година.