Васил Јованов осуден на 12 години

Васил Јованов кој смртно ја прегази Фросина Кулакова е осуден на 12 години. Тој на судењето што почна на 9-ти овој месец призна вина за сообраќајката што се случи на 29-ти јануари годинава.

Според обвинението Васил без возачка дозвола и под дејство на алкохол, управувал возило со брзина од 91 километар на час на булеварот „Партизански одреди“ во Скопје. На пешачки премин, на црвено светло, удрил во Кулакова, која поминувала на зелено светло за пешаци. Од силата на ударот, Фросина се здобила со тешки телесни повреди и починала на лице место.