Вашингтон: Неприфатлива е еднострана офанзива на Турција против Курдите во Сирија
САД предупреди дека „едностраната“ офанзива на Турција за ликвидирање на курдската милиција во Сирија би била „неприфатлива“ и најави интензивирање на разговорите за да се спречат такви активности.
– Целосно веруваме дека секоја еднострана акција би била неприфатлива, изјави секретарот за одбрана Марк Еспер пред новинарите за време на на патувањето во Азија.
– Она што ние ќе го направиме е да спречиме еднострани инвазии кои повторно би нанеле удар на заедничките интереси на САД, Турција и Северна Сирија, рече Еспер.
Турција вчера ги повика САД да ја запрат поддршката за курдската милиција во северна Сирија.
– САД мора да го исполнат нашето барање и да ја запрат соработката со курдските Сили за заштита на народот, рече турскиот министер за надворешни работи Мевљут Чавушоглу пред новинарите во Анкара.
– Не можеме вечно да бидеме трпеливи. Во еден момент, нашето трпение ќе заврши, изјави во неделата турскиот претседател Реџеп Ердоган. Тој ја повтори својата закана, изречена пред 18 месеци, за започнување вооружена офанзива источно од реката Еуфрат против курдските народни одбранбени сили. Тој истакна дека за акцијата се веќе информирани САД и Русија.
– Влеговме во Африн, Јараблус и Ал Баб. Сега ќе влеземе источно од Еуфрат. Тоа им го најавивме на Русија и САД, нагласи Ердоган.
Откако американскиот претседател Доналд Трамп минатата година најави дека американските сили ќе се повлечат од северниот дел на Сирија, САД и Турција склучија договор за создавање безбедносни зони во Сурија долж североисточната граница на таа земја со Турција, и според тој договор е предвидено во таа област повеќе да нема припадници на Силите за заштита на народот.
Ново на Сител
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати