,,Вашата крв спасува живот”, прва крводарителска акција за 2020 година во Пехчево
Под мотото ,,Вашата крв спасува живот”, денес во Пехчево се спроведе првата крводарителска акција за 2020 година. Од Центарот за трансфузиологија од Штип, чиј медицински тим ја спроведе акцијата, информираа дека во рамки на денешниот ден, вкупно 40 крводарители подариле од животворната течност.
-Акцијата ја спроведуваме во соработка со Здравствениот дом во Пехчево и можам да кажам дека сме задоволни од денешшниот одзив на крводарителите од Малешевијата. Со подарени 40 крвни единици, жителите на Пехчево успешно ја започнаа годината, истакнаа штипските трансфузиолози.
Од Здравствен дом Пехчево додадоа дека на крајот на минатата година крводарителите од Пехчево подариле 200 крвни единици.
-Оваа бројка за нас како Здравствен дом е задоволувачка, ако се има предвид фактот дека станува збор за мала општина. Ако кон оваа бројка се додадат крводарувањата на нашите дарители кои поради работните обврски даруваат крв во Берово, тогаш бројката од 200 крвни единици е поголема, додадоа од пехчевскиот Здравствен дом.
Досега во општините од регионот, крводарителски акции во новата година се одржаа во Делчево и Пехчево, додека предвидени се и акции во општина Македонска Каменица и Берово.
Ново на Сител
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“
-
Денвер трет пат го совлада ЛА Лејкерс
-
Први мај и вторитот ден на Велигден неработни за сите граѓани, а Велики петок за граѓаните од православна вероисповест