Вакцинираните со Фајзер можат да се заразат со јужноамериканскиот сој на коронавирус

Јужноафриканскиот сој бил осум пати позастапен кај оние кои што ги примиле и двете дози на вакцината отколку кај оние кои што не биле вакцинирани.

Мутираниот јужноафрикански сој може да се пробие во човечките клетки по вакцинацијата со Фајзер, покажало големото истражување.

Научниците проучувале 400 луѓе кои што имале позитивен тест на коронавирусот најмалку 14 дена пред да ја примат првата доза од вакцината или пак двете дози од истата.

Јужноафриканскиот сој бил осум пати позастапен кај позитивните лица кои што ги примиле и двете дози од вакцината отколку кај оние кои што воопшто не биле вакцинирани.

Научниците од Универзитетот во Тел Авив според таквите резултати заклучиле дека вакцинта е неефикасна во борбата со јужноафриканскиот сој.

Јужноафриканскиот сој наречен и B.1.351, има мутации за кои што научниците стравуваат дека човечкиот имун систем нема да може да ги препознае или пак тоа ќе биде многу отежнато.

„Пронајдовме поголем процент на јужноафрикански сој меѓу вакцинираните луѓе по втората доза, во споредба со оние кои што не ја примиле вакцината“, вели истражувач од Институтот Тел Авив, Ади Стерн.

Британските научници предупредија дека јужноафриканскиот сој ќе стане доминантен во Велика Британија и истиот би можел да ја запре вакцинацијата и да ја врати земјата на почетокот од борбата со опасната пандемија.

„Daily Mail“ пишува дека јужноафриканската варијанта на коронавирусот го намалува дејството на вакцината за околу 50 отсто.

Исто така, тој сој на коронавирусот може да биде до 60 отсто позаразен од „оригиналниот“ сој на коронавирусот.