Украинското МНР побара значително зголемување на западната воена помош
Украинското Министерство за надворешни работи денеска повика на значително зголемување на западната воена помош за земјата – еден ден по завршувањето на „референдумите“ во четири украински региони кои меѓународната заедница масовно ги осуди.
– Украина ги повикува ЕУ, НАТО и Г7 веднаш и значително да го зголемат притисокот врз Русија, конкретно со воведување нови тешки санкции и значително зголемување на воената помош за Украина, се вели во коминикето. Украинското Министерство за надворешни работи побара „тенкови, борбени авиони, артилерија со долг дострел, системи за противвоздушна и противракетна одбрана“.
Дополнително, во коминикето се повикуваат „сите земји и меѓународни организации да ги осудат незаконските дејствија на Кремљ на привремено окупираните украински територии“.
Проруските власти во украинските региони Запорожје, Херсон, Доњецк и Луганск вчера соопштија дека повеќето од нивните жители гласале за приклучување кон Русија. Се очекува дека официјален договор во овој контекст да биде усвоен од рускиот парламент во наредните денови.
Ново на Сител
-
Тема на денот со Васко Наумовски
-
Управен суд одби една од тужбите на Европски фронт, за другите одлучува
-
Зафировски: Зборувањето е лесно, треба да се сработи, за да оди државата напред
-
Тинекс одбележа 30 години постоење
-
Управен пред одлука
-
ДИК се пожали на притисоци, членовите стравуваат за сигурноста
-
Мицотакис му одговори на Мицкоски: Патот кон ЕУ ќе биде затворен без почитување на Преспанскиот договор
-
Вархеи: Западен Балкан да биде подготвен за влез во ЕУ до 2027 година