Украина соопшти дека Русија се подготвува да симулира инцидент во нуклеарна централа
Украинското Министерство за одбрана соопшти дека Русија подготвува симулација на сериозен инцидент во нуклеарната централа Запорожје, која е под контрола на проруските сили, со цел да ја спречи контраофанзивата на Киев за враќање на териториите окупирани од Москва.
Нуклеарната централа Запорожје, која се наоѓа во рускиот окупиран дел на јужна Украина, е најголемата нуклеарна централа во Европа, а нејзината непосредна околина постојано е гранатирана, за што двете страни меѓусебно се обвинуваат.
Генералниот директорат за разузнавање на украинското Министерство за одбрана посочи дека руските сили наскоро ќе ја гранатираат централата, а потоа ќе објават дека има истекување на радијација. Ова би предизвикало меѓународна истрага за време на која ќе престанат сите непријателства.
Во пораката на Директоратот, која беше објавена на социјалната мрежа Телеграм, не се презентирани никакви докази. Се додава дека Русија ја спречила планираната ротација на инспекторите на Меѓународната агенција за атомска енергија (МААЕ) стационирани во централата.
МААЕ, која често објавува извештаи на ситуацијата околу централата, не го спомна ова прашање.
Минатата недела, очевидци изјавија дека руските сили ги зајакнуваат одбранбените позиции во и околу централата во очекување на контраофанзива.
Ново на Сител
-
ВМРО-ДПМНЕ: Договорот со Обединетото Кралство ќе ја трансформира државата
-
Лишено од слобода едно лице од Неготино поради сомнение за „криумчарење мигранти“
-
Сиљановска-Давкова не го открива името на идниот гувернер, вели дека веќе знае кој ќе биде тој
-
Собранието ги констатира оставките на министерот Таравари и двајца заменици министри
-
Калас: Мораме да го засилиме притисокот врз Русија за да ја натераме да се согласи на мир
-
ЕУ воведува нов систем на гранциите - ќе важи и за македонските граѓани
-
Уставен ги укина членовите 17 и 18 од Изборниот законик
-
Мирот во Украина изгледа подалеку по телефонскиот разговор на Трамп со Путин