Ученици и наставници од Форино во посета на училиште од Кочани
Педесетина ученици и наставници од Основното училиште „Форино“ од гостиварското село Форино денеска ги посетија своите врсници и колеги од Основното училиште „Никола Карев“ во Кочани, во рамки на проектот на Министерството за образование и наука за меѓуетничка соработка во образованието.
- Соработката трае веќе две години и ние како училишта мошне успешно соработуваме на повеќе полиња. Учениците меѓусебно се запознаваат, разменуваме искуства во работењето, а работиме и на заеднички прокет за меѓуетничка соработка во образованието. Добиените резултати за двете училишта се драгоцени и тие ќе придонесат оваа соработка да трае и понатаму, истакна Хајут Месими, директор на ОУ„Форино“.
За учениците од ОУ„Никола Карев“ од Кочани денешната средба помина во знакот на меѓуетничката соработка. Учениците од двете училишта настапија со македонски и албански ора, со натпревар во футсал, а се одржа и работилница за изработка на предмети од хартија. Во спортската сала на училиштето голем број ученици ја следеа програмата која заврши со заедничко оро на учениците од двете училишта.
Учениците од Форино се запознаа и со културно-историските споменици на Кочани, а во градскиот парк во Кочани положија цвеќе на споменикот на Никола Карев, патронот на кочанското училиште.
Ново на Сител
-
Управниот суд одби 3 жалби на Европскиот фронт - вечерва одлучува по уште 4 жалби
-
Во Скопје почна одбележување 50 години од формирањето Француски институт во Македонија
-
Тема на денот со Васко Наумовски
-
Управен суд одби една од тужбите на Европски фронт, за другите одлучува
-
Зафировски: Зборувањето е лесно, треба да се сработи, за да оди државата напред
-
Тинекс одбележа 30 години постоење
-
Управен пред одлука
-
ДИК се пожали на притисоци, членовите стравуваат за сигурноста