Уапсен член на анархистичката група „Рубикон“ за нападот врз турската амбасада во Атина

Грчката полиција уапси член на анархистичката група „Рубикон“, за кого е покренато обвинение за нападот врз турската амбасада во Атина.

Околу десетина членови на „Рубикон“ вчера ја офарбаа со црна и црвена боја фасадата на турската амбасада во Атина, а потоа анархистичката група преку соопштение на социјалните мрежи ја презеде одговорноста за инцидентот.

Во меѓувреме, полицијата уапси 74 анархисти при операција за испразнување на три згради во Солун, кои биле окупирани од нив. Во зградите биле откриени и две бегалски семејства, кои се префрлени во прифатен центар.