Турските ВВС извршиле напади врз 29 цели на ИД во северна Сирија

Турски воени авиони нанеле удари врз 29 цели на ИД во северна Сирија во текот на вчерашниот ден, а четворица членови на радикалната група и двајца сириски бунтовници биле убиени во судири, соопшти турската армија.

Турските ВВС активираа воздушни удари во Сирија во изминатите денови додека бунтовниците што ги поддржува Анкара вршат напади врз сирискиот град Ал Баб што е под контрола на ИД. Бунтовнички сили во кои доминантни се Курди, исто така се обидуваат да го заземат градот од џихадистите.