Турската полиција го уапси главниот уредник на опозицискиот весник „Џумхуриет“
Турската полиција денеска го уапси главниот уредник на опозицискиот весник „Џумхуриет“, Мурат Сабунџу, а извршен и претрес во домовите на уште неколку шефови и уредници на медиумот, објави Си-Ен-Ен-Турк.
Издадени се и наредби за приведување на вкупно 13 новинари од весникот.
Засега не се соопштува причината за апсењето на главниот уредник и за претресите, но тоа се случува во момент кога Турција презема мерки против приврзаниците на исламскиот проповедник Фетулах Ѓулен.
Претходниот главен уредник на „Џумхуриет“, Џан Дјундар беше осуден заедно со својот колега Ердем Ѓул на пет години затвор, откако двајцата беа прогласени за виновни поради откривање на државни тајни. Обвиненијата се однесуваа за објавени текстови минатата година за наводни испораки на оружје од Турција за исламистички бунтовници во Сирија.
Во текот на викендот турските власти затворија 15 медиуми, а со два нови указа отпуштени се околу 10.000 државни службеници и припадници на безбедносните сили.
Ново на Сител
-
Годинава се очекуваат околу 24 милиони килограми тутун, неизвесно дали и сега ќе се откупува само во прва класа
-
Извештајот за Македонија утре на втор обид за гласање, Вајц не сака да го коментира исходот предвреме
-
Ново поскапување на дизелот, за една недела поскапе за 7 денари
-
Синдикатот на Клинички против решението на Алиу дел од вработените на клиниките да паркираат надвор од кампусот „Мајка Тереза”
-
СДСМ обвинува за блокада
-
Вреди во Струга со независен кандидат, ДУИ се уште договара широка коалиција
-
Без дебата реформските закони за администрацијата го поминаа првиот собраниски филтер
-
ДОМ ја напушта коалицијата со СДСМ – Најавува формирање на „Коалиција за зелена иднина“