Тркалезна маса на УКЛО за животот и делото на Свети Климент Охридски
Еминентни професори од Германија, Италија, Русија и од Македонија кои работаат во сферата на славистиката, и посебно на животот и делото на Свети Климент Охридски, денеска на истоимениот Универзитет во Битола презенетираа важни детали од неговото наследство.
Според професорот Себастијан Кемпген од Универзитетот во Бамберг-Германија, конференцијата во Битола е многу соодветна затоа што универзитетот го носи името на Свети Климент Охридски.
- Јубилејот што годинава го славиме е јубилеј за целиот Свет и е многу важен. Не е дискутабилно да се каже дека Свети Климент потекнува од Македонија, од овој Регион бидејќи тука делувал, и исто така неспорно е дека учениците на Свети Климент, Свети Кирил и Свети Методиј се движеле и во околните земји и таму делувале, но Република Македонија, регионот Македонија може да биде горд на тоа што глаголицата и други документи за словенскиот јазик потекнуваат од Република Македонија, истакна гостинот од Германија, професорот Кемпген.
За животот и делото на Свети Климент Охридски говореа и професорите Виторио Томелери од Универзитетот во Мацерата-Италија и Роман Николаевич Кривко од Националниот истражувачки универзитет во Москва, како и претставници на академската заедница во Македонија.
Истражувачкиот материјал што денеска беше презентиран во Битола ќе биде публикуван во научното списание „Хоризонти“ што го издава Универзитетот „Св.Климент Охридски“.
Ново на Сител
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови
-
Возило излетало од коловозот на патот Македонска Каменица - Виница, возачот починал
-
Во Нов Дојран во двор пронајдена граната од Пртва светска мвојна
-
Вархеји до Мицкоски: Честитки за убедливата победа, да работиме заедно на следното ниво од пристапниот процес
-
Маричиќ: Го честитам успехот на победниците, ќе се вложам во реформите во СДСМ
-
Тренчевска се повлекува од функцијата претседателка на форумот на жени на СДСМ