Трка на штикли во Битола

На Широк сокак во Битола вечерва ќе се одржи традиционалната трка на штикли. Годинава манифестацијата има меѓународен карактер, бидејќи покрај девојките од Македонија ќе учествуваат и натпреварувачки од Турција.
Организатор на трката е Младинскиот културен центар од Битола кој манифестацијата ја организира по четврт пат. Годинава ќе се натпреваруваат вкупно 14 учеснички, од кои три доаѓаат од Турција.
- Трката во Битола е една модерна манифестација која што ја симболизира силата, упорноста и истрајноста на современата девојка и жена. Таа и на високи потпетици го освојува светот и трката уште еднаш упатува порака за јакнење на улогата на жената во современото општество, вели Сашо Додовски од Младинскиот културен центар Битола.
Младинскиот културен центар ја организира трката и со цел да промовира нови алтернативни начини за збогатување на забавниот живот на младите, како и користење на алтернативни простори.
Манифестацијата, која се организира во рамките на Битолско културно лето Битфест, го следи трендот на најпознатите светски трки по меѓународни стандарди, како што се трките на штикли на улиците „Кнез Михајлова“ во Белград и „Страдун“ во Дубровник.
Натпреварувачките ќе трчаат на високи потпетици не пониски од осум сантиментри, при што не е дозволено да се трча во чизми. Предвидени се две полуфинални и една финална трка. Регуларноста на трката ќе ја следи петчлено жири во состав на јавни личности. Сите девојќи кои ќе учествуваат во трката ќе добијат награди, а за трите најбрзи девојки, организаторот обезбедува и примамливи парични награди. Покрај трката предвидена е и богата музичка програма.
Ново на Сител
-

Си-ен-ен: Се урна безбедносна комуникациска мрежа на американската НСА
-

Македонските млади фудбалери У17 и покрај поразот продолжуваат во елитните квалификации
-

Андоновски одржа мастерклас во Париз: Во фокусот дигиталната трансформација на јавната администрација
-

Реновираниот дом „Кузман Јосифовски-Питу“ ќе биде отворен во февруари, деновиве ќе се објави конкурс за сместување
-

Србија доби нов парламентарен состав, пратениците положија заклетва
-

50-годишен маж со огнено оружје се заканувал на сопругата со која е во бракоразводна постапка
-

Татко ја нападнал својата 20-годишна ќерка
-

Хашим Тачи осуден за попречување на правдата на 17 месеци затвор
