-->
-->
Трикратниот убиец од Кавадарци доби затворска казна од 40 години
-->
Трикратниот убиец Тони Станоев од Кавадарци за три кривични дела доби затворска казна од 40 години, соопшти денеска во Основниот суд во Велес судијката Тања Милева која преседаваше со Судскиот совет во Велес.
Милева појасни дека вината е од трет степен, а е во согласност со законските норми односно со Правилникот за начинот за одмерување на казната.
- Станоев е виновен од трет степен и затоа му изрековме затворска казна од 40 години. Тој бил осудуван и за други дела, се дал во бегство, два дена се криел, за имал пријави од неговиот татко и роднините на сопругата за семејно насилство, појасни судијката Милева.
Инаку, Тони Станоев на 9. ноември минатата година со по еден истрел од пиштол „ЦЗ 79“ 9 м.м кој со дозвола го поседувал, ладнокрвно ги убил Илија, Билјана и Снежана Леови, таткото, мајката и сестрата на неговата сопруга Данче.
Тони Станоев беше фатен три дена по убиството на гробиштата во Кавадарци на погребот на убиените, кога сакал да ја убие и својата сопруга.
Во психијатриското вештачење стручњаците утврдија дека Станоев бил пресметлив кога го извршил трикратното убиство, што беше еден од доказите во постапката.
Инаку, блиските на убиените изјавија дека не се задоволни од ваквата пресуда бидејќи, Тони Станоев пет години ги малтретирал и на крај и ладнокрво ги убил нивните блиски роднини и затоа од надлежните бараат доживотен затвор за убиецот.
-->
-->
-->
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците