Трамп промовира свои патики по цена од 399 долари
Поранешниот претседател на САД Доналд Трамп, најверојатен претседателски кандидат од републиканците, на саем за спортска облека во Филаделфија промовираше своја марка на патики.
Со висок врв и позлатени патиките се продаваат по цена од 399 долари.
Настанот се случи ден по одлуката на Врховниот суд на Њујорк да побара од Трамп исплата од околу 350 милиони долари парична казна поради тоа што неговите компании правеле децениски махинации со декларацијата на вредноста на неговиот имот. Ова е една од неколку мултимилионски парични казни што тој треба да ги исплати.
-Сакав да го направам ова уште одамна. Мислам дека ќе бидат голем успех, изјави Трамп држејќи во раце пар од своите патики.
Обувките не се првиот производ што поранешиот претседател ги нуди на своите поддржувачи.
Во САД, дел од кампањата на претседателските кандидати обично е наменет и за прoдажба на промотивна производи, најчесто мајци или капи.
Покрај познатите капи со натписот „Да ја направиме Америка повторно голема“, кампањата на Трамп продава многу повеќе стоки. Така на пример неговите поддржувачи можат да избираат разни маици со неговиот лик, како и вотка, кошули, колонска вода, вратоврски, па дури и мебел, што сите се продаваат под марката Трамп и можат да се купат онлајн.
На веб-страницата за продажба на патиките што е целосно посветена само на овој производ, се вели дека линијата на обувките е „супер ограничена“ и дека се продаваат само 1.000 примероци.
Ново на Сител
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра
-
ЦУК: Од 16 пожари на отворено во последното деноноќие, изгаснати 13, два се уште активни и еден под контрола
-
Пожар во Калифорнија, уништени повеќе од 130 згради, 13. најголем во историјата на државата
-
УЈП: Преку „меки“ мерки и соработка кон подобрување на даночната усогласеност
-
Пронајдено е 8-годишното дете од Скопје кое беше пријавено дека се оддалечило од домот
-
ОЈО Гостивар отвори против тројца браќа за убиство од одмазда во гостиварско Дебреше
-
123 санкционирани возачи во Скопје, 22 за брзо возење