Трамп му порача на Израел да биде силен, се ближи неговата инаугурација и новата политика

Новоизбраниот американски претседател Доналд Трамп денеска го критикуваше однесувањето на администрацијата на претседателот во заминување Барак Обама кон Израел, порачувајќи и на оваа земја да „биде силна“ бидејќи се ближи денот на неговата инаугурација, 20 јануари 2017 година.

Трамп се огласи непосредно пред говорот на американскиот државен секретар во заминување Џон Кери за меѓународното противење на изградбата на израелските населби, пренесуваат британските медиуми.

„Не можеме Израел да го третираме со таков презир и непочитување. Тие некогаш во САД имаа голем пријател.. но веќе не е така. Почетокот на крајот беше ужасниот договор со Иран, а сега и ова!“ напиша Трамп на Твитер, алудирајќи на воздржаноста на САД при донесување на резолуцијта на Советот за безбедност на ОН, со која од Израел се бара да се откаже од изградба на населби на окупираните палестински територии.

„Израел, биди силен, се ближи 20 јануари!" додаде Трамп.