Тодоров: Се посрамотивме

Кошаркарите на МЗТ Скопје Аеродором го претрпеа еден од најубедливите порази во АБА лигата. На гостувањето кај шампионот Црвена Звезда македонскиот првак загуби со 112:73.

 

- Знаевме дека Црвена Звезда е подобрата екипа. Беше очекувано дека ќе го загубиме овој натпревар и не гледам тим кој ќе може во оваа лига да ја победи Звезда тука, мислам на многу посилни екипи од нас. Дури и намерно промените во составот ги направивме сега, но не ни помислив дека против тим од Евролигата ќе играме малодушно и без залагање. Се посрамотивме првин самите себе си, а потоа и клубот. Не можев ниту да замислам дека ќе загубиме 39 поени разлика, особено што во вториот дел противникот играше со „втора постава“. Дел од играчите видоа зошто не играат во АБА лигата, а играат само во македонската. Јас се срамам, изјави тренерот Тодоров на прес конференцијата.     

 

Македонскиот шампион следниот натпревар од македонската лига го игра дома со Блокотехна во четврток, а во АБА лигата следен противник е тимот на МЕГА во Скопје во недела.