Тилерсон со повик до Асеан за спречување на финансирање на нуклеарната и ракетна програма на Пјонгјанг

Државниот секретар на САД Рекс Тилерсон ги повика министрите за надворешни работи на државите од Асеан да направат повеќе за да помогнат да се спречи финансирање на севернокорејската нуклеарна и ракетна програма и да сведат на најниско ниво дипломатските односи со Пјонгјанг.

На првата средба од турнејата по 10-те членки на Асеан, Тилерсон ги повикал државите кои имаат претензии во Јужнокинеското Море да запрат со градежни работи на островите и нивна милитаризација додека се водат преговори за кодекс за пловење на бродови во регионот.

Тилерсон нагласил и дека Вашингтон ќе ги исполни обврските за зачувување на безбедноста во регионот и развој на економски врски со него. Тој ги повикал државите од Асеан да ги почитуваат санкциите на ОН против Северна Кореја.