Тешка сообраќајка кај Скопјанка, прегазен велосипедист

Вечерва тешка сообраќајна несреќа се случи пред ТЦ Скопјанка во Скопје. Според јавувања лице со мотор веспа прегазил момче што со велосипед преминувало на пешачки премин.

Според очевидците, возачот на веспата бил при свест, а младиот велосипедист бил потешко повреден.

Со возило на Брзата помош, повредениот велосипедист е пренесен во болница.

Повеќе информации во текот на денот се очекува од полицијата.