Тереза Меј во посета на Анкара во обид да ги зајакне односите со Турција
Британската премиерка Тереза Меј по средбата во Вашингтон со американскиот претседател Доналд Трамп денеска ќе ја посети Анкара, со цел зајакнување на британско-турските односи пред планираното излегување на Обединетото Кралство од Европската унија.
Меј ќе се сретне со турскиот претседател Реџеп Таип Ердоган и со премиерот Бинали Јилдирим, за разлика од другите европски лидери кои не многу склони да ја посетуваат Турција по масовните чистки, преземени од властите по неуспешниот обид за пуч од 15 јули минатата година.
Турција, која е официјално кандидат за членство во ЕУ, го смета Лондон како еден од нејзините најголеми поддржувачи во Унијата. Но референдумот за Брегзит во 2016 година ја лиши Анкара од тој нејзин сојузник и сега двете земји се обидуваат да создадат нова динамика во односите надвор од ЕУ.
Со оглед на тоа што Меј планира да го повлече Обединетото Кралство од единствениот европски пазар, Лондон сега е жеден за склучување трговски односи со партнери надвор од Унијата.
Главни теми на посетата на Меј на Анкара ќе бидат зајакнувањето на соработката во областа на безбедноста и воспоставување нови трговски односи.
Според податоци на турското Министерство за надворешни работи трговската размена меѓу двете страни изнесува над 16 милијарди долари во 2015 година.
Ново на Сител
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи