Тепачка во автобус на ЈСП - повеќе лица приведени

Неколку средношколци попладнево се степаа во автобус број 5 на ЈСП кој сообраќал на булеварот „Теодосиј Гологанов“ кон Центар, јавува МИА.

-Нема оштетувања на автобусот, ниту повредени патници, потврдија од ЈСП.

Инцидентот во ЈСП е пријавен во 14:30 часот, а како што информираа оттаму, случајот го презема Министерството за внатрешни работи.

Од МВР информираат дека е излезено веднаш на местото на настанот и приведени се дел од учесниците во физичката пресметка.