Тажна вест: Почина познатата спикерка од МТВ, доајен на македонското спикерство
Во Скопје на 85-годишнат возраст почина Љупка Апостолова, долгогодишна спикерка и интерпретаторка на забавна музика во Македонската радио-телевизија.
Со нејзиниот впечатлив глас се препознаваа вестите и информациите кои повеќе од три децении се емитуваа, пред сè, на Македонското радио и на првите кадри на телевизијата.
Апостолова ѝ припаѓа на генерацијата на најдобрите и највпечатливи спикери, со препознатлива точност за пишаниот и говорен македонски збор. И самата обучуваше плејада на спикери и новинари, на кои им всади одговорност и чувство за мелодијата на македонскиот збор.
Љупка Апостолова е меѓу првите интерпретатори на македонските шлагери и евергрини, кои ги пееше во живо со оркестрите на РТВ и што се дел од ризницата на естрадата чии почетоци беа кон почетокот на шеесеттите.
Погребот на Апостолова ќе биде в сабота на градските гробишта во Скопје.
Ново на Сител
-
Масовен протест за 1 Мај: Синдикатите побараа 450 евра минимална плата од новата влада
-
Работниците креваат глас
-
Првомајската традиција продолжува
-
Охрид полн со туристи за 1 Мај
-
Експерти: Екстрадицијата на Палевски треба да се прави во најголема тајност
-
Студен туш за барањата на Максим Димитриевски - за него пак, ароганцијата на СДСМ е ненадминлива
-
Каде ќе завршат гласовите за Османи и Таравари во вториот круг - одлука ќе се носи во следните денови
-
Парламентарни избори