Тачи: Не е тајна дека имаме директни контакти со новата администрација на Трамп

Косовскиот претседател Хашим Тачи изјави дека од администрацијата на новоизбраниот американски претседател Доналд Трамп добил уверување дека ќе биде продолжена специјалната соработка меѓу Косово и САД, пренесува денеска приштинскиот весник „Лајми“.

„Веќе не е  тајна дека воспоставивме директни контакти со новата администрација на Трамп и дека оттаму не уверија дека специјалната соработка меѓу САД и Косово ќе биде продолжена во согласност со досегашната традиција“, рече Тачи во говорот на една трибина, пренесе приштинскиот весник .

Запрашан дали ќе биде косовски претседател уште еден мандат, Тачи рече дека ќе прифати мандат „само доколку биде избран од граѓаните на Косово“.