СВП ќе го соопшти добитникот на наградата „Браќа Миладиновци“
Добитникот на наградата „Браќа Миладиновци“ за 2016 година на Струшките вечери на поезијата ќе биде соопштен денеска на прес-конференција.
Наградата се доделува за најдобра поетска книга на македонски јазик напишана меѓу два фестивали. Во потесен избор се стихозбирките „Морето ми е до колена“ од Јовица Ивановски, „Глагољубни песновиденија“ од Димитар Пандев, „Времено и трајно“ од Јован Стрезовски, „Посланија и риданија“ од Кочо Топузовски и „Светлината на Света Гора“ од Иван Џепароски.
Авторите на петте книги што влегоа во потесен избор за наградата „Браќа Миладиновци“ вчера го претставија своето творештво, а најдобрата книга ќе биде преведена на англиски јазик.
На програмата на јубилејните Струшки вечери на поезијата е и новата содржина „Поетско кафе“ со поети и издавачи од платформата Версополис, а покрај поетските портрети ќе има и вечер на Версополис.
Традиционалното садење дрво и поетско читање во чест на добитникот на „Златниот венец“, канадската романсиерка, поетеса, книжевна критичарка и активистка Маргарет Атвуд ќе се одржи утре во Паркот на Поезијата. Учесниците на СВП ќе имаат можност да ги разгледаат културните споменици во Охрид, а потоа на Плоштадот во близина на споменикот на „Свети Климент“ ќе имаат поетски читања „Созвучија“. Вечерта во црквата „Света Софија“ ќе с еодржи поетски портрет на лауреатот Атвуд.
На јубилејните 55. Струшки вечери на поезијата ќе учествуваат 32 поети од 30 земји. Присутни ќе бидат поети од соседството, Италија, Австралија, Обединетите Арапски Емирати, Турција, Белгија, Израел, Унгарија, Кина, Калифорнија, Мексико, Шпанија, Франција, Ирска, Индија,...
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување